പെരിന്തൽമണ്ണ: മലപ്പുറം എസ്.എസ്.എ യ്ക്ക് കീഴിലുള്ള ജി.എൽ.പി.എസ് പെരിന്തൽമണ്ണ (ഈസ്റ്റ് ) യിൽ മാർച്ച് 6 മുതൽ നടന്ന് വന്നിരുന്ന "ഹലോ ഇംഗ്ലീഷ് " ട്രൈ ഔട്ട് സമാപിച്ചു. ട്രൈ ഔട്ട് വിജയദിനാഘോഷം, പെരിന്തൽമണ്ണ നഗരസഭ ഉപാധ്യക്ഷ ശ്രീമതി: നിഷി അനിൽ രാജ് ഉദ്ഘാടനം ചെയ്തു.കഴിഞ്ഞ ദിവസങ്ങളിൽ കുട്ടികൾ നേടിയ മികവിന്റെ പ്രകടനവും ഉൽപ്പന്നങ്ങളുടെ പ്രദർശനവും പൊതു സമൂഹ സമക്ഷം അവതരിപ്പിക്കപ്പെട്ടു. കുട്ടികൾ അവതരിപ്പിച്ച ഇംഗ്ലീഷ് സ്കിറ്റ്, പുസ്തക വിശകലനം, തീംസോംഗ് , നാടകം എന്നിവ രക്ഷിതാക്കൾക്ക് നവ്യാനുഭവമായി. ചടങ്ങിൽ പെരിന്തൽമണ്ണ ഉപജില്ലാ വിദ്യാഭ്യാസ ഓഫീസർ കെ.ജെ അജിത് മോൻ അധ്യക്ഷനായി. എസ്.എസ്.എ ജില്ലാ പ്രോജക്ട് ഓഫീസർ എൻ.നാസർ പദ്ധതി വിശദീകരണവും, ജില്ലാ പ്രോഗ്രാം ഓഫീസർ പി.എസ് മുരളീധരൻ കുട്ടികൾക്കുള്ള പങ്കാളിത്ത സർട്ടി വിക്കറ്റുകളുടെ വിതരണവും ചെയ്തു.പി.ടി.എ പ്രസിഡണ്ട് എം.ഷാനവാസ് ആശംസയർപ്പിച്ചു. ട്രൈ ഔട്ട് ക്ലാസ് നയിച്ച രഞ്ജിത് കരുമരക്കാടൻ, ബിന്ദു.എസ് എന്നിവർ അനുഭവം പങ്ക് വെച്ചു. പെരിന്തൽമണ്ണ ബ്ലോക്ക് പ്രോഗ്രാം ഓഫീസർ ശ്രീമതി: സി .ടി .ശ്രീജ സ്വാഗതവും സ്കൂൾ ഹെഡ്മിസ്ട്രസ് ശ്രീമതി: എൽ.ജി.കോമളം നന്ദിയും പറഞ്ഞു.
